(Eptastikus in memoriam)
- I -
Ten otus mais grandi mais riku,
Mas sima di nos è so di nos.
Si Povu sinplis i trabadjor
Mudjeris poderoza, omis raskon,
La ke tera di Sá ku Denti Doru
Riku Preta i Kode di Dona
Nha Visensia i Maria Alisi.
- II -
Sandumingu, di Lora a Baia,
Na djentis di tudu rubera,
Ta rispira musika i kultura.
Tera di morabeza sen igual,
El ta resebi kontenti si vizitantis,
Mas sima ta kantadu rapikadu:
Malkriadu ka tentra li, bai di largu.
- III -
Na tera di Nhu Paxinhu i Garridos
Ten padris, artistas, imprezarius
I djentis bodona di tudu ofisius.
Sá ki fla: "Sandumingus di meu
Nha Tera pikinina
Bu benson ben la di Seu
Xeiu di grasa divinu"!
Nonó di Sandumingu
7 abril 2024/2 setembru 2024
