Bebi un kopitu di kana kana
Bafa-l ku un laska bifana
Na lanbiki di nos rubera
Ten kel sabura di primera.
Na fornadja Djonsa-l Yana
Rapasis bebi fika ku gana
É so un kopitu, pa ka izagera
Na kontenteza i sen guera!
Sima fla Silvanu di Joana
Grogu sabi ka ta ngana
Na Sandumingu di novu era
Trapitxi bira industria divera
Adios xema di Txuku d-Ana
Grogu fedi di basta gana
Ki txeu rapasis dja intera
I dexa familias sem beira
Nonó di Sandumingu
(7.abril.2024)
