Sandumingu: kultura é nos alma!


I

Sandumingu di nos ten sabura

Na pujansa di si kultura

I na modu-ser di si povu,

Nau inporta bedjus o nobu!

II

Si montis i valis é fonti di vida:

Agrikultoris dia-dia na lida

Ta garanti nos korpu  sustentu

I nos alma tudu alentu.

III

Si mar é fonti di speransa:

Piskadoris na duru andansa

I peixeiras na bendi sol a sol

É alentu sertu na nos paiol. 

IV

Na Sandumingu di baxu i riba

Famílias i profisoris ta striba

Pa un edukason di kualidadi,

Rumu a prugresu i filisidadi. 

V

Kultura é alma di Sandumingu:  

Muzika desdi korta unbigu,

Batuku, morna i koladera

I luta diariu é nos bandera!


Sandumingu, 28 di novembru di 2023.

Nonó


Subscrever: Mensagens (Atom)

Chuva engraçada

Em Cabo Verde, a falta e a irregularidade das chuvas são abundantemente descritas em páginas da História do arquipélago, que igualmente dão ...

  • O Namoro na minha Infância
    Criado e educado, como muitos da minha geração, em ambiente familiar e social marcado por sólidos princípios da moral  e religião católicas,...
  • Eu e a Religião!
    Minha infância e adolescência foram profundamente influenciadas pelos valores da educação religiosa, aprendidos e postos em prática no am...
  • Os pecados da minha meninice
    - Quem foi que comeu todo o açúcar que tinha guardado aqui? – pergunta minha mãe Eduarda, a quem eu chamava Djodjô, contrariamente à min...